[01-May-2016 03:49:46 America/Denver] PHP Fatal error: Call to undefined function add_action() in /home2/swvam/public_html/law57/wp-content/plugins/automatic-youtube-video-posts/core/admin.php on line 31 [01-May-2016 03:49:50 America/Denver] PHP Notice: Undefined index: pagenow in /home2/swvam/public_html/law57/wp-content/plugins/automatic-youtube-video-posts/core/import.php on line 30 [01-May-2016 03:49:50 America/Denver] PHP Notice: Undefined index: pagenow in /home2/swvam/public_html/law57/wp-content/plugins/automatic-youtube-video-posts/core/meta.php on line 31 [01-May-2016 03:49:55 America/Denver] PHP Fatal error: Call to undefined function add_action() in /home2/swvam/public_html/law57/wp-content/plugins/automatic-youtube-video-posts/core/update.php on line 29 [01-May-2016 04:10:46 America/Denver] PHP Fatal error: Call to undefined function add_action() in /home2/swvam/public_html/law57/wp-content/plugins/automatic-youtube-video-posts/core/admin.php on line 31 Քննարկում ենք օրենքը. Մաս 1 | Օրենք 57
Օրենք 57
Կանանց եվ տղամարդկանց հավասար իրավունքների եվ հավասար հնարավորությունների ապահովման մասին օրենք
Քննարկում ենք օրենքը. Մաս 1

Հոդված 3.1.1) գենդեր, գենդերային` տարբեր սեռի անձանց ձեռքբերովի, սոցիալապես ամրագրված վարք, կանանց եւ տղամարդկանց միջեւ հարաբերությունների սոցիալական հայեցակետ, որն արտահայտվում է հասարակական կյանքի բոլոր ոլորտներում, ներառյալ` քաղաքականությունը, տնտեսությունը, իրավունքը, գաղափարախոսությունը, մշակույթը, կրթությունը, գիտությունն ու առողջապահությունը.

Քննարկում. սեռը բնորոշում է տղամարդու և կնոջ սեռական հատկանիշները, իսկ գենդերը՝ մշակութային և սոցիալական: www.oxforddictionaries.com/definition/english/gender

Գենդերը վերաբերում է այն ընկալումներին, զգացմունքներին և վարքին, որը տվյալ հասարակությունն ասոցացնում է անձի կենսաբանական սեռի հետ: www.apa.org/pi/lgbt/resources/sexuality-definitions.pdf

Այլ կերպ ասաց, գենդերը սոցիալապես ամրագրված, այսինքն հասարակության մեջ ընդունելի վարքն է, որը վերագրում են կանանց և տղամարդկանց:

Տղամարդու և կնոջ սոցիալական և մշակութային հատկանիշները ժամանակի ընթացքում փոփոխվում են, ահա թե ինչու ենք ասում, որ գենդերը ձեռքբերովի է: Օրինակ՝ մշակութային հատկանիշ է հանդերձանքը, իսկ տղամարդիկ և կանայք տարբեր ժամանակաշրջաններում կրում էին տարբեր տեսակի հագուստ: Մասնավորապես, 18-րդ դարի Ֆրանսիայում տղամարդիկ շպարվում էին, հագնում բարձրակրունկներ, զուգագուլպաներ և կեղծամ, իսկ կանայք՝ լայն և ուռուցիկ շրջազգեստներ: Մինչդեռ այժմ, 2 սեռերն էլ սովորաբար կրում են հարմարավետ ջինսե տաբատներ: Նախկինում կանանց սոցիալական կարգավիճակը թույլ չէր տալիս մասնակցել քաղաքական ընտրություններին, մինչդեռ այժմ կանայք հավասարապես կարող են նախագահ կամ այլ քաղաքական գործիչ ընտրել:

Գենդերն անվանում են ձեռքբերովի վարք, քանի որ և՛ տղաները, և՛ աղջիկները սովորոմ են այն վարքը, որը հասարակությունն է թելադրում իրենց: Օրնակ՝ տղաներին մեծամասամբ սովորեցնում են զսպել էմոցիաները (չլացել), լինել ավելի կոպիտ, ընտրել տեխնիկական մասնագիտություններ, իսկ աղջիկներին թույլատրվում է ազատորեն արտահայտել էմոցիաները, նրանց սովորեցնում են լինել համեստ և ընտրել հումանիտար ուղղվածությամբ մասնագիտություններ:

Հոդված 3.1.9) գենդերային հավասարություն` կանանց եւ տղամարդկանց հավասար իրավական կարգավիճակ եւ դրա իրականացման համար հավասար հնարավորություններ, որոնք հնարավորություն են ընձեռում անձանց, անկախ սեռից, ազատորեն օգտագործելու իրենց ունակությունները քաղաքական, տնտեսական, սոցիալական, մշակութային եւ հասարակական կյանքի այլ ոլորտներում մասնակցություն ունենալու համար

Քննարկում. Կանանց և տղամարդկանց միջև հավասարությունը (գենդերային հավասարություն). վերաբերում է կանանց և տղամարդկանց, աղջիկների և տղաների հավասար իրավունքներին, պարտականություններին և հնարավորություններին: Հավասարություն չի նշանակում, որ կանայք և տղամարդիկ պետք է նույնը դառնան, այլ նշանակում է, որ կանանց և տղամարդկանց իրավունքները, պարտականություններն ու հնարավորությունները չպետք է հիմնված լինեն այն փաստի վրա, արդյոք նրանք տղամարդ թե կին են ծնվել:  http://www.un.org/womenwatch/osagi/pdf/factsheet1.pdf

Ըստ օրենքի գենդերային հավասարությունը ենթադրում է կանանց և տղամարդկանց հավասար հնարավորության ընձեռում՝ ներգրավվելու քաղաքական, տնտեսական, սոցիալական, մշակութային և հասարակական կյանքի այլ ոլորտներում: Գենդերային հավասարությունը տղամարդկանց և կանանց հավասար իրավական կարգավիճակ է, այլ ոչ հավասար ֆիզիոլոգիական վիճակ:

Գենդերային հավասարությունը միայն «կանանց խնդիրը» չէ, այլ նաև պետք է հավասարապես հետաքրքրի և ներգրավի տղամարդկանց: Կանանց և տղամարդկանց միջև հավասարությունը և´ մարդու իրավունքների պաշտպանության խնդիր է, և´ համարվում է հասարակության մարդակենտրոն զարգացման կայուն ցուցիչ:  http://www.un.org/womenwatch/osagi/pdf/factsheet1.pdf

 

36 Comments to “Քննարկում ենք օրենքը. Մաս 1”

  1. Hayk says:

    Ըստ ձեր իսկ կողմից ներկայացված հղումի` http://www.apa.org/pi/lgbt/resources/sexuality-definitions.pdf
    Gender identity refers to “one’s sense of oneself as male, female, or transgender” (American
    Psychological Association, 2006). When one’s gender identity and biological sex are not
    congruent, the individual may identify as transsexual or as another transgender category (cf. Gainor, 2000).

    Հարց. Այս ձևակերպումը բացատրում է, որ տղամարդ և կին հասկացողությունը կարող են նաև բնատուր սեռին հակառակը լինել: Ո՞ր մի գենդերային ձևակերպման մեջ գրված է, որ տղամարդը պարտադիր պիտի լինի արական սեռի, իսկ կինը իգական:

    Շնորհակալություն

  2. Admin says:

    Շնորհակալություն հարցի համար:
    Gender identity կամ գենդերային ինքնություն հասկացության ձևակերպման մեջ ուղղակի հղում է կատարվում դեպի տրանսսեքսուալություն: Տրանսսեքսուալություն երևույթը բավականին երկար ուսումնասիրվել է տարբեր մասնագետների կողմից, որոնց թվին է պատկանում նաև սովետական միությունում հայտնի Բելկինը՝
    http://ru.wikipedia.org/wiki/%D0%91%D0%B5%D0%BB%D0%BA%D0%B8%D0%BD,_%D0%90%D1%80%D0%BE%D0%BD_%D0%98%D1%81%D0%B0%D0%B0%D0%BA%D0%BE%D0%B2%D0%B8%D1%87 (Аро́н Исаа́кович Бе́лкин (28 октября 1927 — 27 апреля 2003) — советский и российский психиатр, доктор медицинских наук (1972), профессор (1978)[1]. Известен как психотерапевт, психоаналитик, сексолог, основоположник отечественной школы психонейроэндокринологии, исследователь феномена транссексуальности.)

    Ցանկություն դեպքում, կարելի է գտնել բազմաթիվ գիտական հոդվածներ տրանսսեքսուալություն երևույթի մասին այդ թվում նաև հայազգի բժիշկ, Մոսկվայում ապրող և աշխատող Ստեփան Մաթևոսյանի հեղինակությամբ (http://ru.wikipedia.org/wiki/%D0%9C%D0%B0%D1%82%D0%B5%D0%B2%D0%BE%D1%81%D1%8F%D0%BD,_%D0%A1%D1%82%D0%B5%D0%BF%D0%B0%D0%BD_%D0%9D%D0%B0%D1%80%D0%B1%D0%B5%D0%B5%D0%B2%D0%B8%D1%87)
    Տրանսսեքսուալության երևույթի գոյության մասին կան բազմաթիվ գիտական հոդվածներ, գրված աշխարհում հայտնի հազարավոր գիտնականների կողմից: Սակայն չկա որևիցէ գիտական ապացույց հերքող տրանսսեքսուալության երևույթի գոյությունը:

    Ի տարբերություն շատ այլ երկրների, ՀՀ-ում չկա որևէ օրենք կամ օրենսդարական ակտ, որը կարգավորում է տրանսսեքսուլների հետ կապված հարցեր: Մինչդեռ այդպիսին գոյություն ունի նույնիսկ Բելառուսի օրենսդրությունում՝ По законодательству Беларуси сменить пол может только человек, признанный специальной комиссией транссексуалом. Сначала лицо, желающее сменить пол, становится на учет в Минский городской психоневрологический диспансер, где обследуется в течение полутора лет. По истечении данного срока назначается заседание комиссии, которая решает, возможна ли смена пола или нет. Комиссия собирается в составе не менее шестнадцати членов, куда наряду с врачами-психологами входят сосудистые хирурги, психиатры, эндокринологи, представители министерств образования, юстиции, обороны и внутренних дел (Положение о межведомственной комиссии по медико-психологической и социальной реабилитации лиц с синдромом отрицания пола и ее составе от 10 июня 2005 г. № 14// Национальный реестр правовых актов Республики Беларусь. 2005. № 8/12880).

    Վերոնշյալը գրեցի, որպեսզի բոլորիս պարզ դառնա թե ինչ է Գենդերային ինքնությունը:

    Իսկ ինչ վերաբերում է Ձեր հարցին, նախ ինքնին “գենդերային ձևակերպում” արտահայտությունը նման է “լավ կամՊՅՈՒտերՇիկ ես? դե ասա դևին ոնց անցնեմ” արտահայտությանը:Եվ հետո, հաշվի առնելով վերոնշյալը, կխնդրեի բացատրել թե ինչ ի նկատի ունեք ասելով՝ “Ո՞ր մի գենդերային ձևակերպման մեջ գրված է, որ տղամարդը պարտադիր պիտի լինի արական սեռի, իսկ կինը իգական:”

    Հ.Գ. ի դեպ բացի տրանսսեքսուալությունից, մարդկությանը հայնտի է նաև ինտերսեքսուալությունը (հերմոֆրոդիտ), ինչի մասին շատ հասանելի լեզվով գրված է Ահարոն Բելկինի “Երրորդ սեռ” գրքում՝ http://1001.ru/books/belkin/
    Նրանք այն մարդիկ են, ովքեր Աստծո կամքով չեն ծնվել ընդգծված իգական կամ արական սեռին բնորոշ բիոլոգիական հատկանիշներով: Ըստ Ձեզ ինչպե՞ս պետք է պետությունը վերաբերի իր այդպիսի քաղաքացուն:

    Հարգանքներով՝
    ՀԱԲ

  3. Admin says:

    ի դեպ քննարկվող օրենքում, ոչ մի տառ անգամ չկա գենդերային ինքնության մասին:

  4. Hayk says:

    Հարգելիս, մենք բնավ հարց չենք ուղղել տրանսսեքսուալների ուսումնասիրելու մասին, մենք նաև չենք ուղղել հարց Բելառուսի մասին, եկեք խնդրում եմ քննարկումն կազմենք տրվող հարցերի շուրժ: Տրանսսեքսուալները ընդամենը նշված էր ձեր իսկ տրված հղման մեջ: Բնավ կարիք չունենք այն հղումների, որ մեզ տվել եք պատասխանում: Անկախ ամեն ինչից խիստ շնորհակալ ենք նման ուշադրության համար:

    Ձեր իսկ նշված հղումները կապ չունեն օրենքի հետ, քանզի օրենքում հղում չի արվում այդ ձևակերպումների վրա:

    Առավել ևս ձեր իսկ նշված հղումները իրավական ուժ չունեցող ձևակերպումներ են:

    Կրկնեմ հարցը, ավելի հստակ ձևակերպված:

    Համամիտ ենք, որ մեր օրենքում չկա գենդերային ինքնություն, բայց ցավոք նա առկա է ձեր իսկ տված հղումներում, նաև այն առկա է մի շարք միջազգային նորմերում, որի հետ ուղղակի և անուղղակի /լինելով ԵԽ անդամ/ առնչվում է Հայաստանը, և քանզի գենդերային ինքնությունը բնորոշում է տղամարդ և կին հասկացողությունը, կրկին ուղղենք հարցը`

    Ո՞ր մի ձևակերպման մեջ, որը բնորոշում է գենդերը և/կամ գենդերային ինքնությունը գրված է, որ տղամարդը պարտադիր պիտի լինի արական սեռի, իսկ կինը իգական:

  5. Hayk says:

    Ի դեպ, պատասխանենք ձեր իսկ հարցի, թե ինչպես պետությունը պիտի վերաբերվի տրանսսեքսուալներին: Նա պիտի վերաբերվի նույնպես ինչպես Բելառուսում` կարգավորելով այդ խնդիրը միայն ու միայն բժշկական միջոցներով /բայց ոչ մշակութային կամ քարոզչական/, միևնույն ժամանակ խիստ արգելելով այդ և այլ շեղված երևույթների քարոզչությունը /և խիստ պատժելով քարոզչության փորձերը/ ինչպես նաև տրանսսեքսուալների հանրային վայրերում բացահայտ պոռնիկության դրսևորումները, որը ցավոք տեղի է ունենում Հայաստանում: Միայն թե կխնդրեմ չշեղել թեման Բելառուսի վրա, եթե ուզում ենք քննարկել Բելառուսի դիրքորոշումը այս կամ այն հարցի շուրջ կխնդրեմ ուղղել հարցերը հետևյալ հղումով http://president.gov.by/

  6. Lusine says:

    Արդարադատության նախարարարությունը 2011 թ գրել էր իր կայքում <<Գտնում ենք, որ ներկայացված օրենքի նախագծով այդ հարաբերությունների կարգավորում նախատեսելն արդեն իսկ իրենից ենթադրում է գենդերային խտրականության առկայության հաստատում։ Ուստի, գտնում ենք, որ գենդերային հավասարության հետ կապված հարաբերությունները նոր օրենքի նախագծով կարգավորելու անհրաժեշտությունը չկա»

  7. Mark says:

    Օրենքում որտեղ է գրված, որ ձեռքբերովի վարքը չի ներառում նաև այլասեռված վարքերը: Հիշեցնենք, որ այլասերումն ևս ձեռքբերովի վարք է, որը նույնպես սոցիալապես ամրագրված է: Տես օրինակ http://www.youtube.com/watch?v=g-yLAwV7NHc

    Conchita Wurst – it`s a shame Кончита Вюрст – Это какой-то позор
    http://www.youtube.com

  8. Admin says:

    Հարգելի Հայկ,
    անդրադառնամ Ձեր հարցին
    >>>քանզի գենդերային ինքնությունը բնորոշում է տղամարդ և կին հասկացողությունը,

    Ձեր պնդումը սխալ է, քանի որ Գենդերային ինքնության սահմանումը ճիշտ չեք ընկալում:
    Նորից սահմանումից՝
    >>> When one’s gender identity and biological sex are not congruent,
    Երբ մեկի գենդերային ինքնությունը և նրա բիոլոգիական սեռը չեն համապատասխանում:
    իսկ թե դա ինչ է նշանակում ավելի լավ է մեջբերում անեմ Բելկինի գրքից /http://ergosolo.ru:17000/hl/1001?url=webds/1001.ru/books/belkin/2.htm&mime=text/html&charset=windows-1251/՝
    >>> Как ни отчетлива биологическая сущность пола, она, когда речь идет о человеке, становится всего лишь канвой, по которой могут быть вытканы самые разные рисунки. Поставим мысленно рядом современного супермена и средневекового рыцаря: что общего между ними? Однако, в каждом из этих образов сфокусированы эталонные признаки мужественности, по-другому сказать, маскулинности, характерные для своего места и времени. А нынешний госсекретарь США, госпожа Олбрайт, и любимая жена восточного султана? Обе стоят на вершине преуспеяния, мыслимого для женщины. Обе задают тон в массовом сознании – на их судьбу, как на желанный образец, равняются миллионы. Но сходства между ними – едва ли не меньше, чем между каждой из этих женщин и окружающими ее в реальной жизни мужчинами…

    Казалось бы, это очевидно. Но сильней очевидности то упорство, с каким мы держимся за принципы половой дифференциации, усвоенные нами в раннем детстве. Империативы пола кажутся непреложными, незыблемыми, заповеданными Богом – если мы в него верим, – либо, с точки зрения атеистов, вытекающими из основных законов мироздания. Вслушайтесь, как мы говорим. Естественное назначение женщины. Естественный долг мужчины. То есть такие же безусловные, непреходящие, как течение реки или восход солнца …

    При таком множестве разнородных компонентов даже самое беглое описание пола становится достаточно громоздким. Суммировать все сказанное нам поможет несложная схема:

    XY Генетический пол XX

    Т Гонадный пол OV

    А Гормональный пол Э

    &- Гаметный пол &+

    М Соматический пол Ж

    внутренние, наружные гениталии

    вторичные половые признаки

    М Гражданский пол Ж

    М Психический пол Ж

    М Психосексуальный пол Ж

    М Социальный пол Ж

    Հետևաբար հաշվի առնելով վերոնշյալը, կարելի է ասել, որ անհնար է տալ այդպիսի ձևակերպում՝
    >>>Ո՞ր մի ձևակերպման մեջ, որը բնորոշում է գենդերը և/կամ գենդերային ինքնությունը գրված է, որ տղամարդը պարտադիր պիտի լինի արական սեռի, իսկ կինը իգական:

    Ձեր պատկերացրած տղամարդը և Ձեր հարևանի պատկարացրած տղամարդը արդյո՞ք նույն հատկանիշներին է համապատասխանում, բացառությամբ բիոլոգիական հատկանիշները:
    Եվ արդյո՞ք Դուք պատկերացնում եք այսպիսի պառադոքսալ ձևակերպում, որևէ օրենքում, երբ օրենքը չպետք է տարընթերցման տեղիք տա:

    Ամեն դեպքում, օրենքում չկա ոչ մի տառ գենդերային ինքնության մասին, և պետք չէ անհարկի այն շահարկել, մանավանդ որ Ձեր գենդերային ինքնության վերաբերյալ պատկերացնումները և մեկնաբանությունները բավականին թյուր են:

    Հ.Գ. եթե այդքան հետաքրքրված եք այս թեմայով, կարող եք ժամանակ տրամադրել և սեփական վերլուծությունը կատարել:

    Հույսով եմ հաջորդող հարցերը կլինեն կոնկրետ քննարկվող հոդվածների սահմաններում: Մենք անպայման կանդրադառնանք բոլոր հոդվածներին

  9. Admin says:

    Հարգելի Լուսինե,

    խնդրում եմ տվեք հղում, որպեսզի գրվածը պարզ լինի ամբողջ կոնտեքստում:

    Ինչ վերաբերում է օրենքի անհրաժեշտությանը, ապա պետք է ասեմ, որ այստեղ մենք չենք քննարկում դրա անհրաժեշտությունը կամ ավելորդությունը:
    Այստեղ մենք ցանկանում ենք վերացնել հասարակության մեջ սերմանված անհիմն ֆոբիաները:

  10. Admin says:

    Հարգելի Մարկ,

    խնդրում եմ լուրջ մոտենալ հարցին, խոսում ենք օրենքի մասին: Մարդասպանություն կամ գողությունն էլ է ձեռքբերովի, ի՞նչ եք կարծում, կա նման սահմանում որևէ օրենքում, որ օրենքը արգելում է գող դառնալ:

  11. Hayk says:

    Հարգելի Ադմին
    Նշված հարցերը հստակ են և պատասխանները մենք ակնկալում ենք հստակ: Կխնդրենք պատասխանել ըստ հարցի համարների` պատասխան 1..9

    ՀԱՐՑ 1
    —————–

    Ո՞ր մի ձևակերպման մեջ, որը բնորոշում է գենդերը և/կամ գենդերային ինքնությունը գրված է, որ տղամարդը պարտադիր պիտի լինի արական սեռի, իսկ կինը իգական:

    Ձեր պատասխանին վերաբերվող իմ մեկնաբանությունը:

    1, Կարելի էր պատասխանել ուղղակի, որ այդպիսի ձևակերպում գոյություն չունի:

    2. Գոյություն չունի գենդերային ինքնություն մեր օրենքում, բայց օրենքում գրված է, գենդերը, որպես ձեռքբերովի վարք, իսկ կին և տղամարդ հասկացողություններին անդրադառնում է գենդերային ինքնությունը, որը գենդերային տեսության մասն է և մեր օրենսդրական դաշտի ևս մաս է կազմում /տվյալ օրենքից դուրս/ և ունի ազդեցության ուժ հաշվի առնելով սույն օրենքի 5-րդ հոդվածը:

    Gender identity refers to “one’s sense of oneself as male, female, or transgender” (American
    Psychological Association, 2006). When one’s gender identity and biological sex are not
    congruent, the individual may identify as transsexual or as another transgender category (cf. Gainor, 2000).

    Թարգմանենք, որ խոսքը գնում է մարդու սեփական ընկալման մասին անկախ բնատուր սեռից որպես տղամարդ, կին և այլ տեսակներ /տրանսգենդեր/ , որոնք ըստ օրենքի ձեռքբերովի վարքեր են և կրկին նշենք, որ ըստ գենդերային տեսության կապված չեն բնատուր սեռի հետ (“one’s sense of oneself as male, female, or transgender):

    Այսպիսով` ձեր պատասխանը ընկալում ենք, որպես բացասական, որ չկա այդպիսի ձևակերպում, ինչը և հաստատում է գենդերային տեսության բուն իմաստը` տղամարդ և կին հասկացությունների իմաստափոխումը և տարանջատումը բնատուր սեռից:
    ————————————
    ՀԱՐՑ 2
    Ըստ գենդերային տեսության, կարո՞ղ է արդյոք արական սեռի ներկայացուցիչը իրեն կին հայտարարել և կատարել այդ ապրելակերպի քարոզչություն: Ակնկալում ենք հակիրճ պատասխան` ԱՅՈ, կամ ՈՉ, ՈՉ-ի դեպքում կխնդրեմ ներկայացնել բացատրություն:
    ————————————

    ՀԱՐՑ 3. Նախ ինձ հետաքրքրեց Մարկ-ի հարցը, որին պատասխան չստացանք, քանի որ այլասերումը քրեորեն չի պատժվում, խոսքը գնում է այլասերման մասին, ոչ թե մարդասպանության, կխնդրենք ձեր պատասխանը ներկայացնել: <>

    Մեկնաբանություն ձեր նախորդ պատասխանին

    Օրենքը, իհարկե, չի կարող արգելելել գող դառնալ, բայց օրենքը կարող է արգելել գողությունը /վարքի հետևանքը/ և պատժել գողին, ինչպես նաև կարող է թույլ չտալ նման երևույթների քարոզչությունը իրականացնել: Իսկ թիվ 57 օրենքը ձեռքբերովի վարքերի /որոնք քրեորեն պատժելի չեն/ քարոզչությունը պարտադրում է /դիտեք օրենքը/: Այլասերումն քրեորեն չի պատժվում:

    Վերաձևակերպեմ Մարկ-ի հարցը, ավելի հստակ իմաստ փոխանցելու համար`
    Հարց. Օրենքում, որևէ տեղ գրվա՞ծ է, որ այլասերված վարքերը չեն ներառվում գենդերային բնույթին պատկանող վարքին: Ակնկալում ենք հակիրճ պատասխան` ԱՅՈ, կամ ՈՉ

    ————————————

    ՀԱՐՑ 4. Լուսինե-ի հարցը` ուշադիր կարդացեք, խոսքը գնում է, որ օրենքը խտրականության առկայություն է հաստատում: Ձեր կարծիքը այս դրույթի մասին, հղումը խնդրեմ` http://news.am/arm/print/76581.html

    ————————————

    ՀԱՐՑ 5
    Ըստ` http://www.apa.org/pi/lgbt/resources/sexuality-definitions.pdf
    Gender refers to the attitudes, feelings, and behaviors that a given culture associates with a
    person’s biological sex. Behavior that is compatible with cultural expectations is referred to as gender-normative; behaviors that are viewed as incompatible with these expectations
    constitute gender non-conformity.
    Այստեղ գրված է, թե որն է նորմատիվ, իսկ, որը ոչ նորմատիվ, բայց երկուսն էլ ներառված էն գենդեր հասկացողության մեջ.
    Արդյո՞ք գոյություն ունի այնպիսի իրավական ձևակերպում, որը բացառում է գենդերի ոչ նորմատիվ ներկայացումը:

    ————————————

    ՀԱՐՑ 6
    Ինչո՞վ է տարբերվում “գենդերային հավասարությունը” և “կանանց և տղամարդկանց իրավահավասարություն” հասկացողությունները:

    ՀԱՐՑ 7
    Եթե օրենքը ուղղված է կանանց և տղամարդկանց իրավահավասարության խնդիրները կարգավորելու, ապա արդյո՞ք պարտադիր է կիրառել գենդեր եզրույթը

    Եթե պարտադիր է, ապա որտեղ է գրված, որ դա պարտադիր է, և ինչու ՄԱԿ-ի կոնվենցիան, որը ուղղված է կանանց հանդեպ խտրականության բացառմանը և ծառայում է այս օրենքի հիմքը չի պարունակում գենդեր եզրույթը:
    Մենք արդեն ծանոթ ենք այն պատասխանին, որ գենդեր եզրույթը “միջազգային ընդունված է”, սակայն ցանկանում ենք ստանալ ընդամենը պատասխան, պարտադիր է այդ եզրույթը Հայաստանին թե ոչ:
    ————————————

    ՀԱՐՑ 8
    Կառավարությունը առաջարկել է օրենքում կատարել փոփոխություններ և ներկայացրել է հետևյալ ձևակերպումը.

    <>

    Հարց. Ո՞ր բացասական հետևանքների մասին է խոսում օրենքի հեղինակ հանդիսացող Կառավարությունը, ըստ ձեզ

    ՀԱՐՑ 9
    Արդյո՞ք համարում եք այս վարքը այլասերում http://www.youtube.com/watch?v=g-yLAwV7NHc:
    Գենդերային տեսությունով ինչպես է կոչվում այս վարքը, ըստ ձեզ: Ընդունելի է արդյոք ըստ ձեզ նման վարքի քարոզչությունը և լուսաբանումը:

    • Anna says:

      Հարգելի ադմին, մինչ դուք կանդրադառնաք Ձեզ ուղղված հարցերին, թույլ տվեք ես փորձեմ պատասխանել, ինձ անհեթեթ թվացող այս ձևակերպումներին: Հարգելի Հայկ, ես հասկանում եմ Ձեր մտահոգությունը կախված այլասերության տարածման դեմ, ես ինքս երկու երեխաների մայր եմ և դեմ եմ այլասերության ցանկացած դրսևորման, որը ինձ համար պեդոֆիլիան է, ինցեստը, երեխաների պոռնոգրաֆիան և ցանկացած սեռական ոտնձգություն չափահաս տարիքը չբոլորած անձի նկատմամբ:
      Հիմա ըստ հերթականության և ըստ ձեր հարցերի հնարավորինս պարզ ու հասկանալի լեզվով՝
      ՀԱՐՑ 1: Male/արական վերաբերում է տղամարդկանց, իսկ female/իգական՝ կանանց: Այո, այսօր հանդիպում ենք նաև transgender բառին, որը վերաբերում է այն մարդկանց, ովքեր ինչ-ինչ պատճառներով փոխել են իրենց կենսաբանական սեռը, բայց 57 օրենքը բոլորովին չի անդրադառնում այդ մարդկանց:
      ՀԱՐՑ 2: Դուք նորից անդրադառնում եք գենդերային Ինքնությանը, որը չի մի կապ չունի 57 օրենքի հետ:
      ՀԱՐՑ 3:Ես վերևում նշեցի, թե ինչ է ինձ համար նշանակում այլասերումը, որը բոլոր քաղաքակիրթ երկրներում քրեորեն պատժելի արարք է: Ինչևէ, ես կարծում եմ, որ մենք այլասերվածության սահմանման տարբեր մոտեցումներ
      ունենք:
      ՀԱՐՑ 4: Հարգելի Լուսինե, կարող եք ինձ համար պարզաբանել, թե գենդերային խտրականություն ասելով ի նկատի ունեք սեքսիզմ երևույթը՞ Ցավոք, արդարադատության նախ. տարածած հաղորդագրությունից պարզ չէ:
      ՀԱՐՑ 5: Ես ուսանելով Օքսֆորդի համալսարանում և ուսումնասիրելով գենդերային հավասարությունը, երբևէ չեմ հանդիպել ՛՛գենդերի ոչ նորմատիվ ներկայացումը՛՛ սահմանմանը: Միգուցե ինձ լուսավորեք, և ես էլ իմ հերթին Օքսֆորդի համալսարանի դասախոսական կազմը լուսավորեմ, այդ ոչ նորմատիվ ներկայացման մասին:
      ՀԱՐՑ 6: Ոչ մի բանով
      ՀԱՐՑ 7:Բոլորովին պարտադիր չէ, ուղղակի այդպես ավելի հարմար է, հակիրճ քան կանանց և տղամարդկանց իրավահավասարություն: Եթե հայոց լեզվի մասնագետները գտնեն գենդեր բառին հոմանիշ, թող այդ բառը օգտագործվի, չնայած ես չգիտեմ որևէ երկիր, որը գենդեր բառը թարգմանած լինի: Եթե դուք գիտեք, խնդրում եմ լուսավորեք:
      ՀԱՐՑ 8: Կարծում եմ, այս հարցը ճիշտ կլինի ուղղել ՀՀ Կառավարությանը, որ իրենք էլ մեկնաբանեն իրենց իսկ մշակած օրենքի բացասական կողմերի մասին, որը ևս մեկ անգամ խոսում է ՀՀ Կառավարության ոչ-պրոֆեսիոնալ գործունեւոթյան մասին. Но мы сейчас не об этом.
      ՀԱՐՑ 9: Ոչ, չեմ համարում: Բայց ես արդեն վերևում նշեցի, որ մեր տեսլականները այլասերման դրսևորման հանդեպ խիստ հակասական են:
      Շնորհակալություն

      • Hayk says:

        Հարգելի Աննա, ձեր պատասխանները տվյալ ՀԿ-ի պաշտոնական պատասխանը կարո՞ղ է համարվել, թե ոչ: Թե՞ սպասենք Ադմինի պատասխանին:
        Շնորհակալություն

        • Anna says:

          Ինչպես, կուզեք, թողնում եմ ձեր հայեցողությանը

          • Hayk says:

            Կրկին խուսափում եք պատասխանից: Կարծում եմ, հարցս բավականին պարզ էր: Ես իրավասու չեմ ՀԱԲ ՀԿ-ի տեղը որոշում կայացնել:
            Շնորհակալություն

      • Hayk says:

        transgender կենսաբանական սեռը չի փոխում, այլ վարքն է փոխում հարգելիս: Կենսաբանական սեռը նույնիսկ, եթե վիրահատես, տղամարդը կին չի դառնա և հակառակը, երեխա չի բերի և այլն:

      • Hayk says:

        читайте про траснгендерность здесь
        http://ru.wikipedia.org/wiki/%D0%A2%D1%80%D0%B0%D0%BD%D1%81%D0%B3%D0%B5%D0%BD%D0%B4%D0%B5%D1%80%D0%BD%D0%BE%D1%81%D1%82%D1%8C

        Под определение трансгендерности попадают:
        транссексуалы — люди, устойчиво идентифицирующие себя с полом, противоположным биологическому, и стремящиеся привести свой биологический и паспортный пол в соответствие со своей половой идентичностью (самоощущением);
        трансвеститы — играющие роль противоположного пола (через ношение одежды, которую общественные нормы и условности его окружения предписывают противоположному полу);
        андрогины — люди с одинаково выраженными как мужскими, так и женскими качествами и признаками;
        интерсексуалы (ранее применялся термин «гермафродиты») — люди, обладающие половыми признаками обоих полов
        бигендеры — люди, гендерная самоидентификация которых регулярно меняется под влиянием внешних факторов.
        агендеры — люди, отрицающие свою принадлежность к какому-либо гендеру.

      • Hayk says:

        Հարգելի Աննա
        Ըստ ձեզ ” այլասերումը, որը բոլոր քաղաքակիրթ երկրներում քրեորեն պատժելի արարք է”

        Փաստորեն ըստ ձեզ այլասերում չեն հետևյալ երևույթները, քանի որ նրանք քրեորեն պատժելի չեն:

        1. Զոոֆիլիան

        2. Ինցեստը չափահասների շրջանում /քրեորեն պատժելի չի քաղաքակիրթ Ֆրանսիայում, Նիդեռլանդներում, Բելգիայում չափահասների շրջանում/

        3. Նույնասեռականությունը

        4. Մարդակերությունը /մարդ սպանելը քրեորեն պատժելի է, բայց եթե պարզապես մարդու միս ուտեք նրա համաձայնությամբ, ապա ոչ/, վառ օրինակ դիտեք այստեղ` http://www.youtube.com/watch?v=uxiX-f78DS8

        Եթե կարծում եք, որ այս երևույթները, այնուամենայնիվ, այլասերում են, խնդրում եմ գրեք, քանի որ ստեղծվել է հենց այդ տպավորությունը ձեր գրածից:

        ՀԱՐՑ ուղղված Աննային
        Եթե քաղաքակիրթ երկրներում օրինականացնեն պեդոֆիլիան, ապա դուք կհամարեք այդ երևույթը ընդունելի?? Խնդրում եմ մի գրեք, որ դա հնարավոր չի, քանի որ հնարավոր է, պատկերացնենք տեսականորեն, որ օրինականացրել են, այդ դեպքում ձեր կարծիքը:

        • Anna says:

          Կներեք, ուշ-ուշ եմ պատասխանում, ուղղակի պարապ չեմ.
          Եթե, Ձեզ համար փաստորեն, զոոֆիլիան, ինցեստը, մարդակերությունը և նույնասեռականությունը գտնվում են նույն մակարդակի վրա, ուրեմն ես կնախընտրեմ բանավիճել մի մարդու հետ, ում հետ կանգնած եմ նույն հարթակում.

          • Hayk says:

            Ես հարգում եմ ձեր կարծիքը և ըմբռնումով եմ մոտենում, բայց պատասխանից խուսափելու համար չարժի համեմատել մեր հարթակները: Հատկապես, որ դուք սույն քննարկումը կազմակերպել եք, որ տարբեր մարդիկ իրենց, իսկ հարցերը բարձրացնեն:

            Ինձ համար այդ երևույթները 1-4 տարբեր են, բայց անընդունելի:
            ԲԱՅՑ, այդ երևույթները նույն մակարդակի վրա են օրենքի տեսանկյունից քաղաքակիրթ երկրներում և ցուցադրվում են քաղաքակիրթ երկրների ԶԼՄ-ներով, գովազդվում են, դիտեք նյութը (Каннибалы Голландия):

            Այսպիսով` օրենքի տեսանկյունից, այդ երևույթները անպատժելի են և ըստ ձեր իսկ տրամաբանության չեն կարող համարվել այլասերված երևույթ:


            ԿՐԿԻՆ ՀԱՐՑ

            Այդ դեպքում միայն հարցնեմ, կարծու՞մ եք արդյոք, որ տեսանյութում ներկայացված և գովազդված մարդակերությունը այլասերում է, թե ոչ (Каннибалы Голландия):

            Նույնը մյուս 3 կետերի մասին: Մի գուցե 4 կետերից մեկը ձեզ համար ընդունելի է, իսկ մյուսները, ոչ, բայց օրենքի տեսանկյունից քաղաքակիրթ երկրներում, դրանք բոլորը, բացի զոո. կետից “շփման մեջ կամ տարբեր տեսակի համատեղ գործունեության իրականացման ընթացքում կանանց եւ տղամարդկանց գենդերային բնույթի վարք եւ վարմունք են”, (Հ.57 հոդված 3.12): Զոո. կետը պարզապես վարք է և վարմունք և կրկին անպատժելի:

            ———

            Ասեմ, որ եթե կրկին խուսափեք պատասխանից, դա կնշանակի, որ ձեզ համար ընդունելի են բոլոր 4 երևույթները, քանի որ օրենքի տեսանկյունից նրանց գովազդը, կատարելը և լուսաբանելը անպատժելի են, քաղաքակիրթ երկրներում, և նրանք կյանքի են կոչվում և գովազդվում բավականին հաճախ:

            Շեշտեմ, որ քաղաքակիրթ հասկացողությունը ինձ և ձեզ համար խիստ տարբեր են, ես ենթադրում եմ, որ ձեզ համար եվրոպական երկրները քաղաքակիրթ են, այդ իսկ պատճառով օգտագործում եմ այդ բառը:

            Սպասում եմ պատասխանի, չէ որ սույն քննարկում նրա համար է, որ մտահոգիչ հարցերը քննարկվի, իսկ տեսանյութում ցուցադրված երևույթը, իմ տեսանկյունից բավականին մտահոգիչ է:
            Շնորհակալություն

          • Admin says:

            Հայկ Դուք ադեկվատ անձնավորություն եք?
            Բլոգը նախատեսված չէ, բոլոր տեսակ ձեր ցնորքների մասին խոսելու համար: Կոնկրետ հոդվածներ են բացատրված կոնկրետ հարցեր ունեք տվեք, եթե ոչ ապա այստեղ ցնորքներ քննարկելու վայր չէ:

          • Hayk says:

            Ադմին, ես չեմ այլ Աննան է բանաձև տվել այլասերում հասկացողությանը, ըստ որի, եթե այն քրեորեն պատժելի չի, ուրեմն այլասերում չի: Հարցերս կոնկրետ են, և բխում են նախկին գրված պատասխանից և օրենքից, նշելով հոդված, կամ տեսությանը վերաբերվող հարց: Ընդունում եմ այն փաստը, որ խուսափում եք պատասխանից, միայն թե շեշտեք կարող են ձեր պատասխանները համարվեն տվյալ ՀԿ-ի պաշտոնական պատասխան, թե ոչ?
            Ձեր կամ այլ անձերին /ի տարբերություն ձեզ/ այստեղ, որևէ գնահատական տալ չեմ ուզում, ընդամենը պատասխան եմ ուզում ստանալ, որը չկա:

          • Hayk says:

            Շտկեմ, նկատի ունեմ ձեր գրածները, ոչ թե պատասխանները, քանի որ, պատասխան ստացա միայն Հարց 6, Հարց 7, Հարց 9-ին:

  12. Hayk says:

    Հարց 8-ին վերաբերվող տեքստը

    Հարկ է նշել, որ միջազգային հիմնական փաստաթուղթը` «Կանանց նկատմամբ խտրականության բոլոր ձեւերի վերացման մասին» ՄԱԿ-ի կոնվենցիան (ընդունվել է 1993թ.), ըստ որի պետությունը ստանձնել է կանանց եւ տղամարդկանց իրավահավասարության վերաբերյալ պարտավորություններ, կոչ է անում մասնակից պետություններին դատապարտել կանանց նկատմամբ խտրականությունն իր բոլոր ձեւերով եւ համապատասխան բոլոր միջոցներով` ներառյալ օրենսդրական միջոցները, վարել կանանց նկատմամբ խտրականության վերացման քաղաքականություն: Բացի այդ վերոհիշյալ փաստաթղթում «գենդեր, գենդերային», «գենդերային հարաբերություններ» եզրույթներ գործածված չեն:
    ….
    Հիմք ընդունելով վերոգրյալը, հաշվի առնելով հասարակության եւ Հայ առաքելական եկեղեցու մտահոգությունը Օրենքի հնարավոր բացասական հետեւանքների վերաբերյալ, ինչպես նաեւ այն, որ այս հասկացությունները օպերատիվ կարգավորում չեն ենթադրում եւ դրանցից բխող նորմեր օրենքում չկան, սույն նախագծով առաջարկվում է Օրենքից հանել այն հասկացությունները, որոնք հնարավոր տարընկալման առիթ կարող են հանդիսանալ

  13. Hayk says:

    Մոռացա ասեմ, եթե ուզում եք, որ քննարկումը գնա զուտ օրենքի հոդվածների շուրջ, ապա վերացրեք ձեր իսկ հղումները, որոնք որևէ կապ չունեն բուն օրենքի հետ և չունեն որևէ իրավական ուժ, սակայն վերաբերվում են գենդերային տեսության:

    Անդրադառնալով ձեր նկարագրության տեքստին`
    “Այլ կերպ ասաց, գենդերը սոցիալապես ամրագրված, այսինքն` հասարակության մեջ ընդունելի վարքն է, որը վերագրում են կանանց և տղամարդկանց”

    Ասենք, որ օրենքում որևէ տեղ գրված չէ ” հասարակության մեջ ընդունելի վարքն” արտահայտություն կամ նման մի բան:

    • Admin says:

      Մինչև կանդրադառնամ մնացած հարցերին պատասխանեմ այս վերջինին:
      Ինչ ե՞ք հասկանում սոցիալապես ամրագրված վարք ասելով: Կարծում եմ այստեղ 2 կարծիք լինել չի կարող, սոցիումում, ամրագրված ֆիքսված, ընդունված վարք …

      Հ.Գ. Ի դեպ օրենքում ոչ մի տեղ գրված չէ “Գենդերային հավասարություն, այսինքն այլասեռվածություն” արտահայտությունը, ինչը շատ հաճախ շահարկվում է որոշ խմբերի կողմից:

      • Hayk says:

        “Ինչ ե՞ք հասկանում սոցիալապես ամրագրված վարք ասելով: Կարծում եմ այստեղ 2 կարծիք լինել չի կարող, սոցիումում, ամրագրված ֆիքսված, ընդունված վարք” Ֆիքսված վարք չի լինում, ընդունելի լինում է, բայց սոցիալապես ամրագրված և ընդունելի տարբեր բաներ են, արդեն սկսել եք ձեզ հակասել, մեկ ուրիշ տեղ գրում էիք բաժակ բռնելու մասին, հիմա խոսում եք ֆիքսված վարքի մասին: Սպասում ենք պատասխանի համարներով 1-9:

    • Admin says:

      Ի դեպ, քննարկում ենք մի օրենք, որտեղ ներառված տերմինն է, որ մարդկանց շփոթության մեջ է գցում, իսկ տերմինը ինքը հենց գենդերային տեսությունից է: Եվ անհնար է մեկնաբանել տերմինը առանց տեսության:

      Հ.Գ Մաթ Անալիզն էլ է տեսություն և ոչ մի իրավական ուժ չունի 😉

  14. Անդ says:

    Ամրագրել նշանակում է` Գրելով ամրացնել, արձանագրել, հաստատել, հաստատագրել:

    Սոցիում հայերեն նշանակում է Հասարակություն` Նյութական կյանքի պատմական-կոնկրետ պայմանների ընդհանրությամբ միավորված մարդկանց ամբողջություն:

    Սոցիալապես ամրագրված բառակապակցությունը նշանակում է միայն Օրենքով ընդունված, քանզի սոցիումը, իսկ հայերեն հասարակությունը, գրելով ամրացնում է իրավական ուժ ունեցող թուղթ` Օրենք, հաստատում է Օրենքով:

    Տարբեր սեռի անձանց ձեռքբերովի, սոցիալապես ամրագրված վարք` տարբեր սեռի անձանց ձեռքբերովի վարք, որը ամրագրված է, այսինքն Օրենքով, իրավական ուժ ունեցող փաստաթղթով ընդունված է հասարակության մեջ:

    Տղամարդը ձեռք է բերում կանացի վարք, կինը ձեռք է բերում տղամարդու վարք` Օրենքով չարգելված վարք:

    Հոդված 6. Գենդերային խտրականության արգելումը` նշանակում է տարբեր սեռի անձանց ձեռքբերովի վարքի խտրականության արգելում

    3. Գենդերային անուղղակի խտրականության ձեւեր են` նշանակում է տարբեր սեռի անձանց ձեռքբերովի վարքի խտրականության ձեւեր են

    1) գենդերային (տարբեր սեռի անձանց ձեռքբերովի վարքի) կարծրատիպերի վերարտադրությունը զանգվածային լրատվությամբ, կրթության եւ մշակույթի միջոցով

    Այս օրենքով, հենց այս պահին որևէ տղամարդ, որը ձեռք է բերել կանացի վարք, ինչը իր հերթին օրենքով չի արգելվում, այսինքն սոցիալապես ամրագրված է, հնարավորություն ունի գնալ դպրոց և աշխատել որպես մանկավարժ, իսկ եթե որևէ մեկը դեմ արտահայտվի այդ իրողությանը, նա, այս օրենքը կիրառելով, կմեղադրի յուրաքանչյուրին խտրական վերաբերմունքի համար:

    Դատական գործընթացի ժամանակ բառախաղերը, որ գենդերը վերաբերվում է ֆրանսիացի ազնվատոհմ շպարվող տղամարդկանց և այլն, և այլն խտրականության մեջ մեղադրվող ծնողին կամ դպրոցի տնօրենին չեն փրկի, քանզի օրենքը ունի հստակ սահմանումներ, որոնք իրենց հերթին ունեն հստակ իմաստներ, որոնք էլ ես սկզբից ներկայացրեցի:

    • Admin says:

      Հարգելի Անդ, «սոցիալապես ամրագրված» նշանակում է սոցիումի կողմից ընդունված, ադապտացված: Միմիայն «օրենքով ամրագրված» արտահայությունն է ենթադրում իրավական ուժ, ինպես նշել էիք ինքներդ:
      Հետևաբար և, սոցիալապես ձեռքբերովի վարքն այն վարքն է, որն ընդունված է հասարակությունում և մարդը ձեռք է բերում կյանքի ընթացքում՝ սովորելով հասարակությունից (ընտանիք, ընկերներ, ուսուցիչներ):
      Իսկ ինչ վերաբերում է Հոդված 6-ին՝ Գենդերային Խտրականության արգելմանը, մենք անդրադարձ կկատարենք մեր հաջորդ գրառումներում և կպատասխանենք Ձեր հարցերին:

  15. Gohar says:

    Առաջին հարցը վերաբերվում է օրենքում գենդեր և գենդերայինի սահմանմանը (3.1.1):

    Ձեր բացատրության մեջ կարդացի հետևյալ նախադասությունը՝ «Այլ կերպ ասաց, գենդերը սոցիալապես ամրագրված, այսինքն հասարակության մեջ ընդունելի վարքն է, որը վերագրում են կանանց և տղամարդկանց:»

    Եթե օրենքում խոսվում է սոցիալապես ամրագրված կամ հասարակության մեջ ընդունելի վարքի մասին, ապա ձեր կարծիքով ո՞ր սկզբունքների հիման վրա օրենսդրության մեջ պետք է հստակեցվի նաև, թե որոնք են հասարակության մեջ ընդունելի և որոնք են ոչ ընդունելի վարքերը։

    • Admin says:

      Հարգելի Գոհար, հասարակության մեջ սոցիալապես ամրագրված վարքը ժամանակի ընթացքում կրում է փոփոխություններ և այդ իսկ պատճառով այն օրենքում սահմանել նպատակահարմար չէ: Օրենքում «հասարակության մեջ ընդունելի վարք» եզրույթն օգնում է պարզապես սահմանել գենդեր տերմինը:

      • Gohar says:

        Շնորհակալություն պատասխանի համար։
        Հարցս գրելիս ես հիմնվեցի ձեր տված հղման վրա (http://www.apa.org/pi/lgbt/resources/sexuality-definitions.pdf), որտեղ տրված է գենդերի սահմանումը։ Այնտեղ տեսնում ենք, որ գենդերը (սոցիալական վարքը) նաև կարող է լինել, անհամատաղելի մշակութային սպասելիքների (այստեղ ես թարգմանել եմ անգլերենից – cultural expectations) հետ։ Ո՞ր վարքերը կարող են լինել մշակույթի հետ անհամատեղելի։ Օրինակ միասեռականությունը (միասեռականի վարքը), ինչի մասին վերջերս շատ է խոսվում, կարո՞ղ է համարվել մշակույթի հետ ոչ համատեղելի վարք (այսինքն գենդեր), թե ոչ։

        • Hayk says:

          Հարգելի Գոհար

          Կարծում եմ ձեզ հետաքրքիր կլինի

          ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ
          ԼԵԶՎԻ ՊԵՏԱԿԱՆ ՏԵՍՉՈՒԹՅՈՒՆ
          Փաստ. հ 275
          Այժմ կան գենդերի բազմաթիվ սահմանումներ, որոնք լինելով միմյանց լրացնող կամ հակասող, կրելով բովանդակության տարբեր ծավալներ, ունեն մեկ ընդհանուր իմաստային բաղադրիչ. gender-ը կենսաբանական սեռից տարբեր է և հանդիսանում է կենսաբանական սեռի հատկանիշների ամբողջության վերառում, որը գործում է կենսաբանական ՀԱԿԱՌԱԿ սեռի պայմաններում:

          • Gohar says:

            Ես արդեն մի քանի հարց եմ տվել այս քննարկման կազմակերպիչներին, սակայն ոչ մի հստակ պատասխան չեմ ստանում։ Շնորհակալություն ձեզ Հայկ պատասխանի համար։

  16. Hayk says:

    ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ
    ԼԵԶՎԻ ՊԵՏԱԿԱՆ ՏԵՍՉՈՒԹՅՈՒՆ
    Փաստ. հ 275
    Այժմ կան գենդերի բազմաթիվ սահմանումներ, որոնք լինելով միմյանց լրացնող կամ հակասող, կրելով բովանդակության տարբեր ծավալներ, ունեն մեկ ընդհանուր իմաստային բաղադրիչ. gender-ը կենսաբանական սեռից տարբեր է և հանդիսանում է կենսաբանական սեռի հատկանիշների ամբողջության վերառում, որը գործում է կենսաբանական ՀԱԿԱՌԱԿ սեռի պայմաններում:

    Սպասում են ձեր մեկնաբանությանը

Leave a Reply